TRÍ

Is féidir 'trí' a úsáid chun agency means a chur in iúl:

  • Trí obair chrua a ghnóthaigh sé a chuid airgid.
  • Tríomsa a fuair sé an post. (FGB)

Bíodh sin mar atá, tá blas an Bhéarla ar abairtí den chineál seo a leanas:

  • Gheobhaidh tú tuilleadh eolais trí fhéachaint ar ár suíomh Gréasáin.
  • Cinntigh go bhfuil an t-othar neamhaireachtalách trína ghualainn a chroitheadh.

By / through an Bhéarla is cúis leis an struchtúr sin a bheith chomh coitianta is atá i dtéacsanna Gaeilge inniu. Tá go leor leaganacha traidisiúnta Gaeilge ann chun an gnó a dhéanamh.

  • Tá tuilleadh eolais le fáil ar ár suíomh Gréasáin. / Tá tuilleadh eolais le fáil ach féachaint ar ár suíomh Gréasáin.
  • Croith gualainn an othair chun a chinntiú go bhfuil sé neamhaireachtálach.