Bíonn cinneadh le déanamh maidir le breischéim na haidiachta a aistriú go Gaeilge i bhfrásaí mar seo:
- An aspect of wider policy
- Assistance for older people
Ní hinmholta aithris a dhéanamh ar an Bhéarla agus a leithéid seo a scríobh:
- Gné de bheartas níos leithne
- Cabhair do dhaoine níos aosta.
Spreagann an níos sin ceist in aigne an léitheora: 'níos leithne nó níos sine ná céard go díreach?' Níl i gceist ach go bhfuil seo nó siúd ina chuid de mhórbheartas éigin. Cabhair do dhaoine aosta/scothaosta ab fhearr a scríobh sa dara sampla.
Roinn an Post seo: